فجرت مفاجأة مدوية.. هدير عبد الرازق تكشف حقيقة الفيديو الفاضح

كشفت البلوجر هدير عبد الرازق حقيقة الفيديو المخل، والذي انتشر بشكل كبير على منصات التواصل الاجتماعي، وهو الأمر الذي تسبب في جدل واسع لدرجة مطالبة البعض بالتحقيق معها من قبل الجهات المعنية لمعرفة تفاصيل هذا الفيديو المخل وملابساته.

هدير عبد الرازق تكشف حقيقة الفيديو الفاضح

ظهرت البلوجر هدير عبد الرازق في لايف استمر لمدة ليست بالقصيرة، وتحدثت عن حقيقة هذا الفيديو قائلة: ”

طبعًا كلكم عارفين المشكلة اللي حصلتي في الفترة الصعبة اللي مريت بيها، بالنسبة لتريند اللي طالع باسمي، وان سمعتي مبقتش موجودة أصلا، وحياتي ادمرت، وانا بعد المشكلة اللي مريت بيها الفترة اللي فاتت، والحمدلله ربنا اكرمني وعدت على خير الحمدلله ونجاني منها”.

وأكملت تصريحاتها قائلة: “انا اتسجنت بسبب مشكلة تقديم المحتوى مش بسبب الفيديو، وانا ربنا اداني فرصة أن اغير من نفسي واغير من محتويا، وانا كنت هسيب السوشيال ميديا ومش هتشوفني تاني اصلا، انا اتفاجئت زي زيكوا بالفيديو المنتشر باسم فضيحة هدير عبد الرازق، وانا مش طالعة ابرر أن مش انا في الفيديو، والفيديو بتاعي، بس انا معرفش انتشر ازاي، وانا معرفش اللي حصل ده حصل ازاي، وانا لغاية دلوقتي موبايلي اللي بطلع منه للايفات على حسباتي على تيك توك متحرز في القضية اللي انا فيها، وانا معرفش فيديو انتشر ازاي وليه، والولد اللي ظهر في الفيديو مش هو اللي بيظهر معايا في الفيديوهات”.

وختمت هدير حديثها حول هذا الفيديو الفاضح قائلة: ” انا مش بنت مش كويسة ولا أخلاقي مش كويسة، انا طالعة احاول انقذ ما تبقى من كرامتي وكرامة أهلي، والشخص اللي كان معايا في الفيديو كان جوزي، وعلى سنة الله ورسوله، وانا ما كشفتش عن موضوع جوازي على السوشيال ميديا، عشان بحب الخصوصية، وهو محصلش بينه وبيني نصيب، والفيديو ده انا معرفش عنه اي حاجة، وانا لو مش واحدة مش كويسة كنت مشيت في حاجات كتير غلطات.

ووجهت هدير عبد الرازق رسالة إلى كل متابعيها قائلة: “لكل واحد بيشوف الفيديو، اتقي الله انتا عندك اخت زيي، وأي حد بنشر الفيديو خصيمي أمام ربنا يوم القيامة، واهلي ادمرو وحياتي ادمرت، وبيتي اتخرب بسبب الفيديو وحياتي باظت، وبعد اللايف ده انتوا مش هتشوفني تاني، وانا عملت محضر في كذا قناة وصفحة، وحسبي الله في أي حد سرب الفيديو، وكفاية فضايح باسمي، وانا مكنتش بعمل حاجة حرام”.